Nýbyggingakosning Arkitektúruppreisnarinnar á Íslandi 2021

Um Arkitektúruppreisnina: Arkitektúruppreisnin er hreyfing sem á uppruna sinn að rekja til Svíþjóðar. Hreyfingin vill endurvekja klassískan og hefðbundinn arkitektúr og vill að almenningur fái meira um það að segja hvernig byggingar í sínu nærumhverfi eigi að líta út. Hreyfingin, sem er á öllum Norðurlöndunum, hefur haft mikil áhrif á umræðu um arkitektúr í Skandinavíu og hefur umræða um arkitektúr meðal almennings aldrei verið meiri. Arkitektúr er eitthvað sem kemur öllum við, enda þurfum við öll að lifa við hann.

Nýbyggingakosning Arkitektúruppreisnarinnar 2021 var haldin frá 15. nóvember til 6. desember. Í heildina voru 2634 atkvæði. Kosið var í tveimur flokkum: fallegasta og ljótasta nýbygging Íslands árið 2021. Samskonar kosningar hafa verið haldnar á vegum Arkitektúruppreisnarinnar í Noregi og Svíþjóð, en einnig verður kosning um fallegustu og ljótustu nýbygginguna árið 2021 haldin af Arkitektúruppreisninni í Finnlandi. Arkitektúruppreisnin í Svíþjóð hefur kosið árlega um fallegustu og ljótustu nýbyggingarnar síðan 2016.

Fallegasta nýbygging Íslands árið 2021

Mjólkurbú Flóamanna við Eyraveg 1 á Selfossi

Mjólkurbú Flóamanna fékk 56% atkvæða

Arkitektar: Batteríið

Ljótasta nýbygging Íslands árið 2021

Austurhöfn í Reykjavík

Austurhöfn fékk 55% atkvæða í úrslitum

Arkitektar: T.ark

Þetta er í fyrsta sinn sem nýbyggingakosning af þessu tagi er haldin á Íslandi, en Arkitektúruppreisnin kom ekki hingað til lands fyrr en í september á þessu ári. Hreyfingin, sem mætti segja að sé samnorræn, vonast með þessum kosningum til að auka umræðu um arkitektúr og að fólk fái í auknu mæli að tjá sig um hvers konar arkitektúr þeim þykir fallegur og hver framtíð arkitektúrs á Íslandi sé.

Tilnefningar sem sendar voru inn um fallegustu nýbyggingu Íslands árið 2021:

Austurgata 36 í Hafnarfirði